قال ليك الهلال استلم طلب في طلبين طلب من الاتحاد، وطلب من المريخ للموافقة علي تأجيل مباراة كأس السودان المحدد ليها بكره.
ضحكت حتى بانت نواجزي لأنه الكلام ده نقول بلاده وعدم معرفة لكن مع الفكرة الفاسدة تدخل الجهات العليا ماكده، مش لانه المريخ ماعنده صفة يطلب، ولا لأنه الاتحاد ممكن يقرر بعد خطاب المريخ بالتراجع عن الانسحاب، ويحدد موضوعية أسباب الانسحاب والتراجع من عدمها وبناء عليه يخطر الهلال بالموعد أو لاموعد والتأكيد بقرار أن المباراة قائمة في موعدها.
لكن لأنه الفكرة فاسدة لازم يتم كتابة سيناريو وإخراج وصناعة نشاط مزيف الكلام البقول فيهو لي فترة وقضية وموضوع يشغل الناس عن مصيبة الحرب وانهيار البلد ودمار الحياة وغلاء المعيشة والجوع والمرض.
ووسط ذلك تمرير أجندة تحفظ مصالح مصاصين دماء الشعب من قطط سمان ومافيا وقود بمثلوا الراسمالية الطفيلية المسيطرة على مفاصل الكورة عندنا هلال، مريخ، اتحاد الكورة، أهلي مدني اللي بقى فريق حازم مصطفى وترالات باقي الأندية والاتحادات.
الهلال يجتمع ليناقش الطلبين أنت قادر تتخيل حجم المهزلة، والقرارات المطبوخة في مكاتب العسكر وكيزانهم المتمددين في مفاصل الدولة.
الهلال موافق على اللعب لإنقاذ رأس أحد قيادات مافيا الوقود المسنود معهم من قيادات عليا تجمعهم مصالح مص ماتبقى من دم الشعب السودان.
وفي المقابل قد يعتذر بقية أفراد المافيا من الأسرة بنادي الهلال بعد كشف المخطط الذي فاحت رائحته النتنة، وتم وضعهم تحت الضغط الجماهيري، لأن الموافقة والخسارة من المريخ تأكيد على العار المتفق عليه تنفيذ توجيهات الجهات العليا وتأكيد على فساد المنظومة المفترض عالمية ومستقلة وممنوع لأي جهة عليا أو دنيا لها ارتباط بالسلطة السياسية أو العسكرية التدخل ولو بوجهة نظر، عموماً ننتظر ونرى إلى أين تسير بنا هذه المهزلة.
