عبد المنعم عباس الخالدي من مواليد قرية شلعوها الخوالدة ريفي الحصاحيصا تلقى تعليمة بها ثم التحق بشرطة الحياة البرية وعندما نقل إلى مدينة الخرطوم في اطار عمله إختار منطقة القوز سكنا له ليلتقي فيها بفرقة أبناء الحي.
مسيرته الفنية
بدأ حياته الفنية مقلدا لعثمان الشفيع حيث أشتهر بتريد أغنيتي (كيف أنساك) و(ما هويتك)، كوّن مع سليمان ابوداؤود ثنائية في الالحان اثمرت عن خمسة عشر عملا ، كان يمارس نشاطه الفني بنادي أبناء حلفا (بوهين) حاليا ثم انتقل في أواخر السبيعينات إلى فرقة الخرطوم جنوب للغناء والموسيقى والمسرح حيث أثرى هذه الدار بالروائع والدرر. درس في معهد الموسيقى والمسرح (الدراسات الاضافية) بشارع 61.
أولى اغنياته
عانق صوته آذان المستمعين عبر أثير الاذاعة السودانية عندما سجّل أولى اغنياتة (يباركوا ليك ويباركو ليّ).
كما أتحف التلفزيون القومي وقناة النيل الازرق بعدد من الاغنيات وكان غالباً ما يسجل أغنياته في مواسم الاعياد. رحل الخالدي عن دنيانا في يوم الاربعاء 19 نوفمبر من العام 2008 م تاركا لنا مجموعة من الاعمال الغنائية.
إسم الأغنية : يباركو ليك ويباركو لي
الشاعر : موسى العوض
ألحان الراحل : سليمان عبد القادر
( ابو داؤود )
الفنان الراحل : عبد المنعم الخالدي
قول للملاك أمير الشباب
ما خلاص بكرة كتب الكتاب
لي أنا يباركو ليك ويباركو لي
** *** * ** *** ** * ***
ما بكرة يجمعو شملنا
أبوي وأبوك وأخوك وعمنا
الفرحة بكرة تعِمنا
ويزغردن ناس أمنا
يباركو ليك ويباركو لي
** *** * ** *** ** * ***
ما بكرة لما يوقفوك
بخاف عليك ما يسحروك
علي أنا تعيش أمك ويسلم أبوك
وعين الحسود بتصيب عدوك
يباركو ليك ويباركو لي
** *** * ** *** ** * ***
ما بكرة إنتي بتبقي لي
وتنوري كل الكون علي أنا
ويهنو ليك ويهنو لي أنا
يباركو ليك ويباركو لي
** *** * ** *** ** * ***
قول للملاك أمير الشباب
ما خلاص بكرة كتب الكتاب
لي أنا يباركو ليك ويباركو لي
