اشتريت لي (مكيِّف) في الصيف الفات.. واحدين قالوا لي ركِّبوا في الصالون، وواحدين قالوا لي ركِّبوا في الاستقبال، وواحدين قالوا لي ركِّبوا في الغرفة.. عشان أمرق من الموقف دا، وأرضي الجميع، ركّبتوا في الحوش، ورسمت ثلاثة أسهم ـ سهم يشير إلى الصالون، وسهم يشير إلى الاستقبال، وسهم يشير إلى الغرفة، مدعيّاً إنّني بهذه الأسهم أحدد سير الهواء البارد واتجاهه واعدل في قسمة توزيعه.
ناس المريخ عملوا نفس الشئ المُشكلة في (داركو)، شالوا (محسن سيد).
محسن سيد ذنبوا شنو؟
تنقِّط في (كيجالي) البلبلة تحصل في (بربر)!!
في موضوع محسن سيد أنا أول مرة أشوف لي زول يوقِّفوه (6) شهور يكرِّموه.. يكرِّموه يقوموا يشيلوه..!
