السودان ما بستنى والحرب لازم تقيف

بعد ثلاث سنوات
السودان بلد كامل أنهكته الحرب.

وأرواح تُفقد كل يوم وملايين الناس بين نزوح ولجوء وخوف
وانتظار ..

في حملة #بَرِّدُوهَا
بنرفع صوت واحد و واضح موجّه لكل الأطراف ولكل من يملك تأثير :

أوقفوا الحرب فوراً
مافي مبرر لاستمرار القتال والناس بتموت كل يوم.
التقديرات بتشير لفقدان ما بين 150,000 إلى 400,000 روح،
وملايين المدنيين تحت القصف والنيران المباشرة يومياً.

افتحوا المسارات الإنسانية
وصول المساعدات حق أساسي، ما مِنّة.

حوالي 33.7 مليون سوداني/ة محتاجين دعم إنساني، والقتال لسه بيمنع وصوله لمناطق واسعة.

وفّروا العون الإنساني بشكل عاجل.

ملايين محتاجين أكل، دواء، ومأوى.

أكثر من 21 مليون شخص بيواجهوا الجوع الحاد، وحوالي 80 في المئة من المرافق الصحية خارج الخدمة.

احموا المدنيين
المدنيين ما طرف في الحرب وأكثر من 11–12 مليون نازح ولاجئ داخل وخارج السودان.

الأرقام دي صادرة من الأمم المتحدة ومنظمات دولية وغالباً أقل من الواقع بسبب صعوبة الوصول والتوثيق.

السودان ما بستنى والحرب… لازم تقيف.