الشاعر المصري هشام الجخ في قصيدته ذائعة الصيت “طبعاً مصلّيتش العشا” التى يتحدث فيها عن والدته هنالك مقطع بقول فيه (أوعر كلام بنقوله بنقوله بسكات) .. وهو خلاصة ذكية عن واقع نعيشه ـ في ناس كتيرة كلامهم الكعب ولومهم بقوله (سكات) ما يتكلموا.
يكتفوا بأن يقولوا كلامهم الصعب عن طريق الصمت والسكات.
نحن في السودان يمكن نختلف شوية .. نعم ما بنقول الكلام الكعب ، وبنسكت. . لكن برضو (السكات) هو ما نعبر بيه عن حبنا ، نحن بنسكت في الحب.. وفي الكلام الوعر.
الليلة أنا ما عاوز اسكت عن حبنا وتقديرنا للموريتانيين والشعب الموريتاني بصورة عامة ، يتميز الموريتانيون بفطرتهم السليمة ، وبإجادتهم للغة العربية وابداعهم في الشعر والنثر ـ ونحن لهذه الصفات ربما نحبهم ، وهم يبادلوننا نفس الحب ، هذه المحبة ترجمها الهلال فعلياً حيث لعب للهلال أربعة محترفين موريتانيين ، اثنين رحلوا واثنين مستمرين مع الهلال بعد التعاقد مع المهاجم الموريتاني وهداف الدوري الموريتاني في آخر موسمين أحمد أحمد ، في وجود نجم الهلال أحمد سالم.
الهلال بقى فيه ثلاث أَحَامِد .. أحمد وأحمد أحمد.
ودي براها بشرى خير أو بشرى أحمد .. والعودة أحمد.
مقالات ذات صلة
