أكتر ناس مبسوطين من ضرب كهربة المرخيات ناس الكهرباء، طوالي طلعوا بيان قبل شوية لسكان العاصمة وقال بالواضح ياسكان الخرطوم لاتحلموا بكهرباء قريب ببح ماف عديل كده شيلوا شيلتكم.
وكأنه قبل ضرب المسيرات كان في كهربة والبلد منورة، نحن عايشين وسط مكب للفشل سلطة فاشلة من الألف للياء في الخدمات من رأس الهرم لأصغر محلية عندنا، تحس وكأنه أسعد مايكون لما تحصل مصيبة للمواطن.
ومؤكد مش إحساس أنهم الطرفين مستفيدين كامل الاستفادة من التصعيد الحربي هنا وهناك، ليه؟ لأنها مصلحتهم أنها تستمر وماتقيف.
المواطن ده يخدروا بأي شيء بيان باهت، عكس حقيقة موجعة بطريقة ماتسالونا أهو وريناكم.
ماف أمل قريب في الكهرباء معناها ماف أمل قريب في الموية، فيا مواطن أبشر بطول عذاب مع منظومة الفشل الحاكمة.
