(ظلمنا فارس) قريتا كم مرة بعد كورة أمس مع فريق كتور، أنت ماظلمت فارس. أنت ظلمت الكورة البتتفرجا، وعامل فيها مقطعها وناقش تفاصيلها، وبتحكم باشارة من أصبعك الصغير ( ده مانافع).
ولما تعمل إحصائية بتلقى كل البتاشر عليهم ( ده مانافع) هو النافع وهو الأفضل، أفضل حتى من لاعبين أجانب في خانتو، ومن ( المانافعين) فارس أفضل من ايمورو الفسخ عقدو، كان لاعب أكتر من عادي ومابقعد فارس في الكنبة، وأفضل من خاديم دياو اللي ماشفنا أي فرق عملوا في خانتو وعلي العلي متعالي على الكورة وعلى الفريق.
وفي لعيبة جدد سجلوهم عشان يسدو خانة فارس ( المانافع) ، أنت شايف ( مانافع) لأنه شنو؟ اروش، مااروش، لاعب واقف صاح وقفتو في الميدان صاح نقول شخصية ، كنترول على الكورة أفضل مايكون، سرعة ماف أسرع منه في خانتو أجانب وطنيين.
بدافع بهاجم بنفس واحد، لاعب تكتيكي من الطراز الأول يعرف متين يطلع متين يقيف، أفضل من يلعب الون تو، أسرع من يخترق على الطرف، والعمق من الناحية الشمال، أفضل من يتحرك بدون كورة في خانتو، داعم للاعب الوسط والمدافع، ومكمل في الهجوم، قوي في الالتحامات.
أكيد عندو أخطاء زيو زي أي لاعب في الدنيا وممكن تفرق مع الفريق، وده الطبيعي لكن مابتكب بيها شهادة وفاة، فارس في الهلال أهم لاعب في وظيفته سابقاً وحالياً. ماعندو مشكلة غير الباشر باصغر أصبع ويكتب ( مانافع).
