قررنا نحن مجموعة من الناس، أن نحتفل بصدارة المريخ بفارق هدفين (قدر الليلة وبكرة) لمرحلة النخبة في الجولة الرابعة، عشان تاني ما بشموها، أحسن يحتفلوا بيها.
لهذا مشينا على (سمكرجي) يعمل ليهم الصدارة دي صدارة (جوية) أصلو ما بيناتنا.
وممكن لو لقيتوا ليكم (مزوراتي) شاطر يعمل ليكم صدارتكم دي (البطل الشرفي) للدوري الموريتاني.
ولو فتشتوا ليكم زول حريف في الكوتشينة (دو الأسود)، بتاعكم دا بعملوا ليكم (شائب هارتي).
ممكن نعتبر ليكم صدارتكم دي لقب الدوري الرواندي، الحالة واحدة.
وأربعة الدامر ذاتها ممكن نشيلها من الحساب. الجماعة ديل ليهم ست سنوات شغالين (تكس يرجع)، يتصدروا ويرجعوا تاني للوصافة.
طبعاً صدارة في الجولة الرابعة لفريق بطلع من التمهيدي في آخر ثلاث سنوات بتعتبر إنجاز كبير.
حاجة عظيمة فعلاً.
