المريخ سجل 17 لاعباً أجنبياً.
المريخ حصل على ست جنسيات لأجانبه.
المريخ اشتكى الهلال من أجل الفوز بالدوري.
المريخ تديره لجنة مكونة من رؤساء أكبر الشركات النفطية والغذائية في البلد.
المريخ معتصم وأسامة وحلفا وسيف الكاملين.
كل هذا عشان التمهيدي.
جمهور المريخ هو الصفوة.
المريخ هو الزعيم.
المريخ نادي الشعب.
المريخ بطل الكؤوس المحمولة جواً.
وعاوزين بعد الكلام دا كله يشاركوا في بطولة الكونفدرالية.
فضيحة السواد.
الهروب جاري في دمكم ، أول مرة أشوف لي هروب من بطولة قبل القرعة.
طيب بتتفاصحوا مالكم؟ وقت بتخافوا من الخروج من التمهيدي بهذه الصورة.
هسه الكلام البتعملوا فيه دا عاوز ليه 17 أجنبياً؟
الشغلة دي الأهالي ممكن يقوموا بيها ، الموضوع لا محتاج ليه شركات ذهب .. لا شركة زادنا ، ولا شركات نفط.. شغلتكم دي جالون جاز كتير فيها.
لكن أقول ليكم حاجة .. الخروج من التمهيدي في الأبطال ، أحسن ليكم من كأس مانديلا أو من كأس الكونفدرالية.
مقالات ذات صلة
