ما عاوز أقول ليكم كلام برة المقرر.
العندو مشاكل في المصران أحسن يبعد.
أي لاعب يسجله المريخ أحسن يجيب معاه طفاية حريق.
الموضوع صعب عليكم.
اللاعب الكاميروني صاحب القدم اليسار أكمل 18 عاماً قبل أيام ـ يعني على طريقة القاصر فولمو… شكلها ح تمطر (أقوان).
عشان الصورة تبقى ليكم واضحة، الزول دا أخطر من جان كلود ـ ناس طبنجة أحسن يشوفوا ليهم بلد.
ولو عندكم شكوى، أحسن تجهزوها من بدري.
لاعب صغير في السن، مهاري وطويل القامة وسريع، كل المميزات متوفرة فيه… ربنا يكمل تسجيله على خير ـ السوباط كلموه يساعدنا بالدولار، اللاعب الكاميروني دا ممكن يكون أخطر لاعب اتسجل في الهلال في فترة السوباط.. (شوفوا أنا ما بقول ليكم كلام ساكت).
يعني فولمو بالنسبة ليه رحمة.
الحمد لله أن اللاعب الكاميروني صاحب قدم يسارية.. عشان ما في زول يقول لينا بديل لجان كلود.
الهلال بهذا اللاعب ممكن يحسم الدوري الرواندي من الأسبوع الثالث.
ودامر المجذوب تاني الهلال لو لعب مع المريخ في بروكسل ح يطبق فيهم نفس النظرية.
أي مدافع في المريخ، أفضل ليه يطلب من المريخ يطلع (إعارة).. الشغل دا صعب عليهم.
باكات البلد تاني الواحد منهم في التسخينة برفع إيدو يطلب الغيار.
