سأشرح أهمية استمرار وجود لعيبة من فريق الهلال في اعتقاد عند البعض أنهم مانافعين ويمشوا وكلنا بعبر عن وجهة نظر لأنه القرار الأخير عند الجهة صاحبة القرار.
السودان حالياً ماف لعيبة ممكن يشكلوا إضافة لفريق زي الهلال وده بسبب الحرب وتوقف النشاط ماف لعيبة وطنيين.
اللعيبة الانت شايف أفضل خانتهم تكون فاضية، جارين بلغة الكورة مع الفريق وعندهم خبرة المشاركة في البطولات الكبيرة مع الفريق والمنتخب الوطني، زي فارس وأبو عشرين اللي لعبوا في إطار لعبة الفساد والبهدلة البتم للدوري الممتاز بأمر اتحاد الكورة بالتواطؤ مع الهلال والمريخ لعبوا مع الفريق في امتحان دوري النخبة الصعب الطريقة التم بيها تجميع الفريق وأشرف عليه المدرب خالد بخيت، نجح باللعيبة ديل وكانوا أساسيين أنه يصعدوا للمرحلة الأخيرة من دوري النخبة.
دوري يفتقد لابسط شروط اللعب التنافسي العادل أو شرف المنافسة.
الطبيعي طالما ماف خيارات في وضع مأزوم تحافظ على العندك وهم نجحوا في كل الاختبارات تحديداً النخبة وساهموا بشكل مباشر في التتويج باللقب زي ماذكرت.
وده بقودنا في منشور قادم للإجابة على سؤال انت حتشارك في دوري السودان ولا عندك نية دوري بره؟وفي حال كانت الإجابة نعم هل حتشارك بفريقين واحد للداخل والتاني للخارج؟ وموقف اتحاد الكورة شنو؟ لأنه الاصرار على اللعب في دوري تاني فيهو تعقيدات تبدأ من الإصرار على المشاركة في الدوري المعين؟ وهل ده عنده علاقة بالتعاقدات الأجنبية؟ وهل يستطيع الاتحاد بتاع كورتنا أنه يفعل بند الاحتيال على كاف وفيفا بأنه في دوري سوداني شغال؟
