سنة ونص وإدارة المريخ “بتتحنس” في طبنجة عشان يمدد تعاقده مع النادي.
سنة ونص بقدموا ليهو في العروض وبنفذوا في طلباته، وطبنجة واقـف ومنتظر الهلال، ومعجب بالخطوة العملها “كانتي”.
والهلال أصلاً ما شغال بالموضوع الشغلة الكبيرة دي.
لكن طبنجة، بعد ما كلموه وقالوا ليهو “مفرتك الباكات” وعشا البايتات ومقنع الكاشفات “جان كلود” راحل عن الهلال، قلبه رقد واطمأن، وقال خلاص ما عنده مشكلة يمدد عقده مع المريخ.
عملتها ظاهرة شديد يا كابتن!
صاحبكم ده كان “جان كلود” مزعزعه ومرعبه، والمسكين ما عارف إنه ناس الهلال جايبين الأخطر من جان كلود بكتير.
الفات “جان” والجاي “عفريت عديل”.
لو عارف الراجيك ومستنيك شنو يا طبنجة، ما كان مددت عقدك دقيقة واحدة.
