كانتي قطع (الزلط) وقودوين قطع (التورتة)

الهلال قاصدها ـ الهلال بقى يجيبهم (قاصرين) مخصوص، ليكلموا السن القانونية في الهلال ثم يتم تسجيلهم بعد بلوغ الـ18عاماً.

أكرم الصلوي وقابيتو.

والحارس فوفانا.

ثم فولمو وقودوين.

وسانوغو.

الهلال أثبت فعلياً أنه نادي (التربية).

نادي فعلاً للتربية.

دا غير إكيري وراوا وتامبا وسامورا ومازن فضل وكانتي وقبلهم كيندينس كول… وقبلهم جان كلود وكوليبالي ، كلهم تعاقد معهم الهلال قبل العشرين.

وقت يقولوا ليكم نحن أي حاجة عندنا بي نظام .. ما بتقبلوا ، وبتعملوها لينا كلها زعل وطنطنة.

التورتة بقت ثابتة في تسجيلات الهلال.

أي لاعب بسجلوه في الهلال بعد أن يقطع التورتة.

الغريبة في ناس بقطعوا (الزلط) زي موسى حسين كانتي وناس بقطعوا (التورتة) زي فولمو وقودوين.

تسحيلاتنا بقت يا زلط يا تورتة ، والاتنبن القطع بالسكين.