نتعادل مع رايون سبورت.. يتعادلوا مع صن رايز.
مباراة الهلال تنتهي 1/1.. مباراتهم تنتهي 1/1.
ديل في التسجيل لاحقننا.. يسجل للهلال رأس الحربة (محمد) عبد الرحمن.. يسجل ليهم رأس حربتهم (محمد) قباني.
تلحة شديدة.
نتقدم ونسجل في الشوط الأول.. يتقدموا ويسجلوا في الشوط الأول.
يتعادلوا مع الهلال في آخر الدقائق.. يتعادلوا معاهم في آخر الدقائق.
بقوا لينا في رقبتنا.
مريخابي بعد المباراة لقيتو زعلان.. قال لي سبب تعادل المريخ بوغبا.
قلت ليه بوغبا مالو معاكم كمان؟
قال لي لو بوغبا ما غلط في مباراة الهلال.. صن رايز ما كان اتعادل مع المريخ.
قلت ليه كيف؟
قال لي لو الهلال فاز.. المريخ كان فاز.
قلت ليه الهلال تأهل لمرحلة المجموعات.. مالكم إنتوا طرتوا من التمهيدي.
صن رايز عمل فيكم كدا.. طيب صن داونز يعمل فيكم شنو لو اتلاقيتوا؟
