قالوا طبنجة النوم طار من عينو ـ طبنجة عاد تسجيلو في المريخ بعد أن ضمن رحيل جان كلود من الهلال، وقت ناس المريخ كانوا بفاوضوه على القروش، كان بقول ليهم القروش ما مشكلة ـ المشكلة بس جان كلود يكون قاعد في الهلال، وقت الجان رحل من الهلال، ناس المريخ شالوا العقود وجروا بيها على طبنجة.
هسه وقت تسربت بعض الأنباء عن تعاقد الهلال مع ريشموند بيليه، طبنجة غلبته القعدة ـ قال لو عارف كده ما كان أعاد توقيعه.
المريخ أصلاً عندهم مشكلة مزمنة مع أي لاعب (قاصر)، الكلام ده من زمن قابيتو والصلوي، ثم جاء القاصر فولمو وفات الكبار والقدرو ـ المريخاب لغاية الآن بيشكوا من (المسمار).
هسه ناس الهلال جابوا ليهم قاصر جديد، غير قودوين.
قاصر سجلوه بشنطة المدرسة.
طبنجة قال ليهم: ده هسه نعمل ليه شنو؟ ده إلا يجيب لينا ولي أمره، عشان نقدر نتفاهم معاه.
يا طبنجة الزول القاصر دا وقت يمر منك ، كلم ليه أبوه ـ ناس الهلال جابوه مع ابوه.
شفع اخر زمن ـ ما عندهم احترام للزول الكبير.
غايتو يا طبنجة إنت القاصرين ديل بجيبوا ليك عمى ألوان ـ الواحد فيهم يفوت فيك متل (غصن الرياض المائد).
مقالات ذات صلة
