عندنا مريخابي طقتو ملاريا ـ مشى يفحص، طلعت (تمهيدي).
الدكتور ما كضب كتب ليه “كورس” متابعة لثلاث مباريات للهلال، على أن تكون المباراة الأولى في دوري أبطال أفريقيا.
مريخابي تاني طقتو عقرب، خميناهو وجرينا بيهو على الحوادث.
الدكتور عاين ليه سمح، وقال لينا دي ما عقرب.
قلنا ليه أوعك تقول لينا “دبيب”.. الشقي الدبيب لَـمّ فيه وين؟
قال لينا دا ما دبيب.
قلنا ليه شنو؟
قال لينا: (تمهيدي)، شلنا ورجعنا بيهو ونحن عاوزين نموت من الخجل.
مريخابي آخر وقعت فيه “صاقعة”، لقّطناهو في ملاية وجري على العناية المركزة.
قبل ما ندخل ـ ثبّتونا وقالوا لينا دا ما صاقعة.
ختيتا أيدينا في رأسنا.. انقروا ما عرفناها.
معقولة “التمهيدي” بقى يظهر في شكل (صواعق)، حمى الضنك عرفناها، كمان يا مريخاب (تمهيديكم) جاب ليه (صواعق)!!!
لكن اطمئنوا التمهيدي ما بكتل ليه زول.
مقالات ذات صلة
