المريخاب قبل مباراة المنتخب الأولمبي السوداني مع نظيره الرواندي ، خرجوا علينا يتحدثون عن وجود خمسة لاعبين من المريخ في التشكيلة الأساسية للمنتخب السوداني.. بعد خسارة المنتخب بثلاثية أمام رواندا ، خرجوا يتحدثون عن مصطفى القدال ـ طيب الخمسة راحت وين؟
زمان عندنا صاحبنا كان في الرياضيات وقت يطلع بالواحد أو الاثنين أو الثلاثة في العمليات الحسابية بينسى عند الجمع إضافة الرقم الذي طلع بيه ـ الأستاذ كان بقول ليه انت مشكلتك بس بتنسى العدد الذي طلعت بيه… يا ود الناس الرقم البتطلع بيه اكتبوا فوق ، عشان ما تنساه.
ناس المريخ هسه نسوا الخمسة الطلعوا بيها.
زمان برضو كان عندنا صاحبنا .. أَقْنعَنا بِأَنهُ فَيْلَسُوفٌ.. صاحبنا دا كان بقول لينا وقت يكون في حالة تجلي : انتوا عارفين لو “العدس” كان فيه شوك متل “السمك” ، كنا أخذنا موقف.
المريخاب بعملوا نفس الشيء.
بالمناسبة شغلكم دا شغل (تمهيدي) ساكت.
ناس المريخ سجلوا ليهم حارس مرمي بمخالفة مرور وبتكلموا عن القدال.
انتوا الكهربة لسه ما جاتكم؟
