روفا مفتري، شال الجهاز الفني للمريخ، وشال مجلس الإدارة، وشال المكتب التنفيذي، وشال المكتب الإعلامي، وشال الدوري والكأس من المريخ، وشال كرشوم ومحمد المصطفى، وعلى ما يبدو إنه سوف يُعرِّض نصف كشف المريخ للشطب.
هدف روفا الرابع متل فيضان 86 شال البلد كلها وغرقها.
عليكم الله هسه رئيس المريخ وصاحب القرار منو؟ مجاهد سهل أم عبد الرؤوف يعقوب؟
المريخ مطلوب منه في هذه التسجيلات أن يسجل ليه (21) باك، إضافةً إلى (75) عامل يومية و(43) مترجماً للغات أجنبية، عشان فقط يجابهوا جبهة (جان كلود) المسلحة.
جان قالوا أول ما وصل لمعسكر الهلال قال ليهم جيبوا لي ملف طبنجة، وملف مجلس إدارة المريخ الجديد، وملف صلاح نمر.
قلنا ليه يا جان ملف طبنجة عرفناه، وملف مجلس المريخ الجديد برضو منطقي، ملف صلاح نمر عاوز بيه شنو يا شقي في السخانة دي؟
قال لينا التاجر عندما يفلس برجع لدفاتره القديمة، وناس المريخ مع ظروفهم الصعبة دي اتوقعوا منهم أي شئ، لازم نتحسب لكل الخطط البديلة.
قعدنا شوية، جان كلود قال لينا جيبوا لي ملف الطاقة والنفط.
وضعنا إيدنا في رأسنا، وعرفنا ليك طوالي الموضوع كبر، الموضوع مرق من إيدنا، جان عاوز يعمل تعديلات في وزارة الطاقة والنفط، قالوا في (جاز) غريب دخل البلد!!
كرشوم ظهر ـ إستعمل الساتر
