أبدت الفنانة الشابة إنصاف فتحي، عن شوقها شديد إلى السودان، بعد أن غادرته مؤقتاً إثر الأحداث التي وقعت مؤخراً.
وقالت إنصاف أنها تتشّوق للعودة إلى تراب الوطن، وأنها تفتقد الكثير من التفاصيل اليومية فيه، على حد قولها.
ونشرت عصفورة الغناء السوداني، كما يُلقبها جمهورها، قصيدة مطّولة بعنوان “راجعين” ترجمت فيها كل أشواقها إلى أرض الوطن.. أدناه جزاءً منها:
راجعين للبيوت تاني
راجعين ليكي يا الخرطوم
راجعين ليك بلهفة وشوق
وحنين من قلب محروم
وحشتينا وكتير والله
مقطع في البعاد النوم
ضقنا الويل وراك اصناف
صابرين والوجع مكتوم
راجعين ليكي يا ام درمان
علي عجل ما الزمن طول
نبنيك تاني من طوبه
وتبقي عروسه زي اول
ليكي معزة في قلوبنا
محال في يوم حتتبدل
ستفنا شنطنا جاينك
الفينا غلبنا نتحمل
بيتنا النيه وراجعين
يكفي عزاب ويكفي نزوح
الموت مهما كان واحد
ما بيمنع اوانو صروح
فوق صوت الرصاص عايدين
شايلين الكفن للروح
مين القلبو ما مشتاق
ومين القلبو ما مجروح
عايشين في الوطن غربه
ويوماتي بنقول باكر
باكر بمشي وبعدي
والشوق للبيوت حاضر
تنقد الرهيفه خلاص
دا قرار والحكم صادر
راجعين مهما كان الحال
وكلنا للامور قادر.
