عندما قريبنا وقت تجرو خمسين بأربعة الأسود ، بضع ايدو في رأسه ويقول ليك : الله مفروض أفك تمانية الهارتي.
تلف وتدور وتجرو بي تمانية الهارتي ، بعمل نفس الحركة بيضع ايدو في رأسي وبقول ليك : الله مفروض أفك أربعة الأسود.
نحن بالطريقة دي للصباح.
ناس المريخ بعملوا في نفس الشيء ..انضربوا أربعة في الدامر ، الموضوع كان عندهم عادي ، ما قالوا أي حاجة.
أربعة زي الأربعة.
أربعة يوم الأربعاء.
مسمار فولمو بقى ليهم أحر من أربعة الدامر. سكتوا على الأربعة ومسمار فولمو مارقين بيه لي لوزان.
فضيحة السواد.
الناس ديل أقعدوا معاهم.
أدوهم عقلهم.
الغريبة حنة الدامر .. طبقناها في الخرطوم ـ نفس الظروف والدخول بفرصتين.
خلينا حنة الدامر .. وطبقنا المسمار.
مرة في الملعب.
ومرة في المكتب.
دي في الحنة ما حصلت قبل كدا.
تمانية كريمة في النيل ذكرتني بأربعة الدامر في المريخ.
الموضوع هبشهم.
أربعة الدامر في كريمة اتكفل بيها إكيري براهو.