بعد هذه الصورة؛ انظر لمدافعي الجيش، واحد في عداد المفقودين وواحد ضحية لأعمال شغب. بعد هذه الصورة أتوقع الدولار ينزل في الخرطوم، واللحمة تبقى أرخص من العدس في كيجالي.
أتوقع داركو يجهز شنطته، وطبنجة يشكي من الضرس، وعلي جعفر تاني يمسكوه (رهينة).
لجنة تسيير المريخ باقي لها 21 يوماً.. كلموا الجاكومي، قولوا له الشغل دا ماشي عليك.
ناس المريخ فرحانين بالوصافة، الفرحة عاوزة تشرطهم، طيب نحن نعمل شنو مع (صدارة) من يوم استلمناها ما فكيناها؟ صدارة بفارق (9) نقاط من المريخ و(11) نقطة من الجيش.
أحسن الواحد يسكت.. عشان ما يقوم يغلط ساكت.
