قلت ليه: يا زول أنت مالك ما طبيعي منذ أن أعلن الهلال عن جوزيف زينباور؟
قال لي: أنا أصلي ما كويس، شاعر بـ هبوط ورجفة، ورأسي لافي وبطني طامة وعيوني مزغزغة، والأكل مرق من نفسي، وما عندي أي رغبة في الحياة.
قلت ليه: يا زول روق يمكن تطلع (مذكرة تفاهم).
قال لي: يعني في عشم؟
قلت ليه: طبعا!!.
قال لي: وقت قلت كدا، في كورية حلبة في التلاجة سخنها لي عشان أقشطها ـ الحياة من الموت ما معروفة، ونحن لو التمهيدي بدأ، البلد دي تاني ما عندنا قعدة فيها.
