الدنيا كلها وقفت الدوريات عشان التنافس الدولي للمنتخبات .. إلا الدوري السوداني مامعروف متين والمنتخب الوطني يستعد لمواجهة إثيوبيا والشباب في سيكافا، ده كلو بدون دوري لا وفي فريقين ( هلال بورتسودان وأهلي مدني) طلعوا من التمهيدي والدوري مامعروف متين حيلعب ولا اتلغى؟
اتحاد بهين منافساته زي الاتحاد الحالي ماحصل ولا حيحصل، اتحاد مشغول بأزمة اتحاد الخرطوم وماقادر ينظم منافسته الأولى ولا يعلن موعدها.
واضح حنكون مع كلفتة جديدة والعين أكيد على دولارات ( فيفا) أكتر من أنه تكون في منافسة دوري حقيقية.
اتحاد باع المنافسة لعيون الهلال والمريخ اللي خايفين من رفض الأجانب في السودان بسبب الوضع غير الآمن مع أنه بمشوا يلعبوا في ليبيا وفي وضع أمني مشابه والاتحاد الليبي قادر يفرض شخصيته على الجميع.
فرق اتحادات اتحاد مسلم نفسه لمزاج تجار الوقود واتحاد مقيم ومحترم منافسته( الليبي) لدرجة أنه يدعوك بالأجانب الرافضين اللعب في السودان ويمشوا ويلعبوا في ليبيا اللي فيها نفس وضع اللادولة .. مصيبتنا كبيرة.
