أهلهُ قالوا أحسن قبل الحالة ما تستفحل وتستعصى علينا، أحسن نوديه الدكتور. مسكوه وجدعوه في بوكس 78 ومشوا بيهو على الدكتور.
الدكتور قال ليه مالك، بتشكي من شنو؟
قال ليه والله يا دكتور ما عندي أي حاجة، أنا ذاتي ما عارف جايبني هنا ليه؟
الدكتور اتلفت ليهم مُعاتباً، كلهم قالوا ليه بصوت واحد، ما عندهُ شئ كيف يا دكتور، الزول دا الساعة 10 نزّلناه من الصهريج، الساعة 12 طلع النخلة، في الهجيرة دي، نزلناه من النخلة، الساعة 2 جبناه من المقابر، الساعة 3 رجّعناه من البحر بعد أن حاول الانتحار، الساعة 4 قال عاوز يعرس، الساعة 5 رقد للقطر في سكته، الساعة 6 جبناه ليك.. أها يا دكتور العمايل دي عمايل زول نصيح؟
الدكتور عاين ليه معاينة حقارة كدا وقال ليه يا زول في شنو؟
قال ليه أبداً يا دكتور والله ما في حاجة بس هلال مريخ يوم 22 يوليو.. قربت شديد!!
شكله مريخابي!!
الدكتور قال ليه: والله أنا ذاتي من صباح الرحمان طالع في النخلة ـ فايتك بس بالسماعة المعلقة في رقبتي دي.
الدكتور برضو طلع مريخابي!!
