صحيفة المريخ قبل أن يعلن الهلال عن تعاقده مع محمد مصطفى كانت قد أكدت أن المريخ اكمل اتفاقه مع ود المصطفى… وهذا الذي قالوا عنه أن المريخ اكمل اتفاقه معه هو نفس اللاعب الذي أعلن الهلال بعد 24 ساعة من خبر صحيفة المريخ تعاقده معه.
موسى حسين كانتي عاشوا نفس الدور ـ ناس الهلال جابوا ليهم زلط في كيجالي عشان كانتي يقطعه والمريخاب يقتنعوا.
خاطر عوض الله أعلنوا بشكل رسمي في الصفحة الرسمية لنادي المريخ عن تعاقد المريخ معه.
اليوم التاني العليقي نقل خاطر عوض الله للهلال.
حصلت كيف؟ ما عارف.
مصطفى محمد القدال حارس فريق الشرطة القضارف وحارس منتخب الشباب تحت 20 سنة لبسوه الأحمر وراهنوا في كل صفحاتهم على اتفاق المريخ معه ـ الموضوع كان بالنسبة ليهم محسوم ولا يقبل النقاش.
الهلال اكمل اتفاقه مع اللاعب والصفحة الرسمية لنادي الشرطة أعلنت عن انتقال القدال للهلال.
يبدو أن تسجيلات المريخ تتم على طريقة (الكاميرا الخفية).. أي لاعب أعلنوا عن تسجيله أو اتفاقهم مع المريخ طلعوا في النهاية وقالوا لجماهيرهم: (معاكم الكاميرا الخفية).
